Et cy, mon très-redoubté seigneur, donrray fin à vostre prière, vous de rechief priant et suppliant, se je avoye failli en tout ou en partie ce que de légier porroye, comme viel et non savant, que vous et les maistres me vueillez pardonner, et au surplus moy mander et commander comme cellui que très-lyement à mon pouvoir l'acompliray, priant le Dieu des Dieux que, soit en armes ou en honnourablez amours, vous en eléesse, comme vous désirez. Escript et achiefvé au Chasteller-sur-Oize, le quatrisme jour de janvier l'an mil quatre cens cinquante et huit (vieux style). Vostre humble et obéissant serviteur, Anthoine de la Sale.