Prologus in Gesta S. Huberti, praesertim de ipsius conversione ac post mortem translatione. _ Secularibus, et spiritualibus personis salutare exemplar proponendo, beati Huberti primo comitis regalis palatii, postea vero pontificis ecclesiastici, conversionem et translationem retexere cupientes, sponsae Christi utcumque satisfacere contendimus; quae satis querulose dicit in canticis: Per vivos et plateas quaeram quem diligit anima mea.